“ZUEPS
ASTEA”: 300 IRRIBARRE BILA
Udako jaien
osteko biharamuna pasa ondoren eta eskolako kurtso hasierarekin batera “ZUEPS
ASTEA” aurkezten da, Bilboko JM Ikastetxearen eskutik datorren ekintza bat da eta
kurtso berriaren hasiera honetan, bere ikastetxea osatzen duten 300 haurren
irribarrea lortzea erronkatzat duen aste batetan bilakatu nahi du.
Hala ematen badu ere, “ZUEPS ASTEA”ak
ez du nahi ospetsua den burbuiladun edaria bultzatu edoeta are gutxiago bere
osagai magistrala estalgabetu. Sigla hauek Bizkaitar Ikastetxeak aurrera eraman
nahi duen kohesio dinamika eta jolasetan oinarrituriko hezkuntza proposamen bat
darama bere baitan.
Modu honetan, “ZUEPS ASTEA”, gako
erara, hezkuntza prozesuan duten protagonismoaren garrantziaz jabetzeko, hasi berri
den kurtso honetan haurrei luzatuko zaien gonbidapena izango da: Zuekin Ulertu, Elkartu, Pentsatu eta Sentitu. Bestalde,
“Elakerrekin ON” izango da irailaren 12tik 16ra aste hau nabarmenduko duen aurtengo
leloa. Almudena Lopez-eren ustez, Ikastetxeko Zuzendari Nagusia, “Haurrei jakinaraztea Ikastetxe bezala ikuspegi
eta metodologia kontuetan zeintzuk izango diren gure asmoak izan beharko du irakasleok
eman behar dugun lehen urratsa, modu honetan, lakidentzan
jarduten ikasten dugu eta lankidetzan
jardunez laguntzen dugu”
Artxandako mendian kokatuta dagoen Ikastetxeko
Lehen Hezkuntzako etapa osatzen duten 300 ikasleak, mozorroz, jolasez eta ondo
pasatzeko grinarekin beteriko bizkar-zorroekin emango diete hasiera datorren
kurtso berri honi eta bazter batean utziko beharko dituzte, aldi-baterako behintzat, erosi berri dituzten
testu liburu edo eskolan nonahi agertzen den uniformea. “Haurrak geletatik
atera behar ditugu, Artxanda mendiak eskaintzen dituen txoko zoragarriak
arakatzera bultzatu eta jolasen bidez ikasturtea nabarmenduko duen ikasketarako
giro baikor eta aberasgarria sortu”
Ekimen berri honek Bilboko JMek
Ikasketetan elkarlanean aritzeko ezarri nahi duen metodologia berri bati eusten
dio eta bere helburua, besteak beste, lan taldean eta berdinekin oinarritutako ezagutzaren
eraikitzearekin, bizitzarako baliagarriak diren konpetentziak eta gizarteratzeko
trebetasunekin zerikusi zuzena dauka. Balore hauek autonomoagoak izaten lagunduko
die haurrei, planteatzen diren arazoak konpontzen eta ondorioz arlo
pertsonalean hobeto sentitzen.
Eider Goikouriaren esanetan,
Ikastetxeko arlo pedagogikoaren arduraduna, “kohesioa ezinbestekoa da gela eta laneko metodologi berri hauek aurrera
ateratzeko. Kohesioaren bidez talde kontzientzia sendotzea lortuko dugu eta
aldi berean irakasleok ikasleak elkarlanerako erakutsiko duten aurretiko
jarrerari erreparatu ahal izango diogu. Modu honetan, haurrak talde baten
partaide izateak zer suposatzen duen jabetzeaz gain, partaidetza honek ematen
duen segurtasuna sentitu ahal izango dute”.
Hezkuntzako adituen arabera, ondo
kohesionatuta dagoen gela batean komunikazio eta elkarrizketarentzat giro on
bat aurkituko dugu, ikasleentzat ezinbestekoak eta beharrezkoak egingo zaizkien
baliabideak gerora beraien artean sortu ahal izango diren arazoak kudeatu eta
konpondu ahal izateko. Aldi berean, ikasleen artean dauden tirabirak eta norgehiagokak
murriztea lortzen da eta, lehiakortasunaren ordez, elkartasuna edo elkarlana bezalako baloreak
piztea.
Ikastetxeak metodologia honen alde
egindako apostuaren zergaitia bilatu nahi badugu honen suatraietara jo beharko dugu.
Ibilbide luzea darama Ikastetxe honek Euskal Herrian desberdintasunengatiko
errespetua, taldeko erantzukizuna edo bakarkakoa, hausnarketaren gaitasuna edo
sentzu kritikoa bezalako balioak lantzen bere ikasleen artean.
Ikastetxe honek ezarri duen erronka, huskeri bat
izatetik kontrara, eta kontuan izanda irribarrea gizakiak duen gauza paregabea
dela, komunikazio arma boteretsua eta maitasunaren adierazpen ezinhobea Ikastetxeak
egindako apustua itzela izango dela ez dago inolako zalantzarik. Alajaina! Zorte
on eta ZUEPS JM!
No hay comentarios:
Publicar un comentario